Hafan › Amdanom ni › Beth mae'r CSA yn ei wneud › Sut rydym yn gweithio › Symud rhwng cynlluniau
Symud rhwng cynlluniau
Os oes gennych asesiad cynhaliaeth plant a wnaed cyn mis Mawrth 2003 cewch ein taflenni sydd a gwybodaeth am sut y gweithwyd eich cynhaliaeth allan yn ein hadran cyhoeddiadau.
Cyflwynwyd y cynllun cynhaliaeth plant presennol ar gyfer ein cleientiaid newydd ar 3 Mawrth 2003. Cynlluniwyd y cynllun hwn i fod yn haws i'w ddeall ac yn decach i bawb sy'n ymwneud ag achosion cynhaliaeth plant.
Ers hynny, rydym wedi bod yn symud achosion a sefydlwyd cyn 3 Mawrth 2003 yn raddol i'r cynllun presennol hwn fel maent yn dod yn gysylltiedig â cheisiadau cynhaliaeth plant newydd a wnaed ar 3 Mawrth 2003 neu ar ôl hynny.
Er enghraifft, os bydd rhiant â gofal eisoes yn cael cynhaliaeth plant ar gyfer un plentyn, a'u bod yn gwneud cais newydd ar 3 Mawrth 2003 neu ar ôl hynny ar gyfer plentyn arall sydd â rhiant dibreswyl gwahanol, byddwn yn symud yr achos cynhaliaeth plant cyntaf fel y caiff y ddau achos eu sefydlu ar y cynllun presennol. Mae hyn oherwydd bod yr achos cyntaf yn gysylltiedig â'r cais newydd.
Byddwn yn cysylltu â chi i ddweud wrthych ein bod yn symud eich achos i'r cynllun presennol a byddwn yn dechrau gweithio'r swm diwygiedig o gynhaliaeth plant allan.
Cyn belled â sydd bosibl, byddwn yn defnyddio'r wybodaeth sydd gennym yn barod i weithio'r swm newydd o gynhaliaeth plant allan. Fodd bynnag, mewn rhai achosion, byddwn angen mwy o wybodaeth gennych. Dyliwn allu casglu'r wybodaeth hon o fewn ychydig wythnosau.
Unwaith y bydd gennym yr holl wybodaeth, gallwn weithio'r cynhaliaeth plant allan o fewn ychydig ddyddiau. Byddwn wedyn yn ysgrifennu at y ddau riant, yn dweud wrthych beth yw'r cyfrifiad diwygiedig a pha wybodaeth a ddefnyddiwyd i'w weithio allan.
Sut mae cynhaliaeth wedi newid?
Cynlluniwyd y cynllun presennol i fod yn symlach i'w reoli, yn haws i'w ddeall ac yn fwy addas ar gyfer anghenion rhieni.
- Yn y cynllun presennol, rydym yn gweithio cynhaliaeth plant allan gan ddefnyddio system o gyfraddau sy'n seiliedig ar incwm wythnosol net y rhiant dibreswyl.Y pedair cyfradd yw:
- cyfradd sylfaenol
- cyfradd is
- cyfradd unffurf
- cyfradd sero.
- Mae'r ffordd rydym yn gweithio incwm net rhiant dibreswyl allan yn symlach
- Os bydd y rhiant dibreswyl yn rhannu gofal plentyn cymwys am o leiaf 52 noson y flwyddyn, byddwn yn gostwng swm y gynhaliaeth plant mae'n rhaid iddynt ei dalu. Os bydd y rhiant dibreswyl yn talu cyfradd sefydlog oherwydd eu bod yn cael budd-daliadau, ni fydd yn rhaid iddynt dalu unrhyw gynhaliaeth plant os ydynt yn rhannu gofal eu plant.
A fydd y swm o gynhaliaeth plant yn newid?
Yn y rhan fwyaf o achosion, bydd y swm o gynhaliaeth plant yn newid pan fyddwch yn symud i'r cynllun presennol. Gellir taliadau fod yn uwch neu'n is. Byddwn yn cyflwyno unrhyw newidiadau i'r taliadau cam wrth gam, fel bod gan y ddau riant amser i ddod i arfer gyda'r newid yn eu cyllideb.
Gallwch ddarllen mwy yn ein taflen "Pam bod yr Asiantaeth Cynnal Plant yn newid fy nghynhaliaeth a sut y bydd yn wahanol?" [PDF 629KB]
